Migraine  - ඉරුවාරදය සඳහා ප්‍රතිකාර.  

මිග්‍රේන් (Migraine) හෙවත් ඉරුවාරදය සඳහා ප්‍රතිකාර.

සමහර අයට මේ හිසරදය කොච්චර වේදනාවක්ද කියනව නම් කවුරු හරි ඔලුවට පොල්ලකින් ගහලා වගේ දැනෙනවා කියලා කියයි. ඒක දන්නේ හැදුන කෙනාම තමයි ඉතින්.

මේක ටිකක් සුලබ තත්වයේ බොහෝදෙනකු පීඩා විඳින රෝගයක්. ඒ හිසරදය එන්නෙ නිකන්ම නෙවෙයි. ඔක්කාරය, වමනය සහ ආලෝකය දෙස බැලීමට අපහසු වීම යන ලක්ෂණත් එක්ක.මෙම රෝගයට ගොදුරුවන්නේ වැඩි පිරිසක් කාන්තාවන්ය. ඇතැම් අයට පරම්පරා රෝගයක් ලෙසද මෙය ඇතිවනවා.

මිග්‍රේන් සෑදුණු විට ආලෝකය බැලීම අපහසුය. බොහෝදෙනාට ශබ්දයට නිරාවරණය වීම ඉතාම අපහසුවනවා. මේ නිසා මිග්‍රේන් රෝගයෙන් පෙලෙන අය ආලෝකයට නිරාවරණය නොවී කාමරයකට වී දොර ජනෙල් වසා පැය ගණන් හෝ දිනක් හෝ දෙකක් නිදා ගන්නා අවස්ථා තිබෙනවා. මූලික ප්‍රධාන රෝග ලක්ෂණ ලෙස අධික හිසරදයත් සමඟ වමනය හෝ ඔක්කාරය ඇති වන අතර ඇතැම් අයෙකුට හිස කැක්කුම එක පැත්තකින් දැඩිව දැනිය හැකි අතර සමහර අයට හිස දෙපසින්ම වේදනාව හටගනී. මෙම රෝගයේ තවත් විශේෂත්වයක් වමනය ගිය පසු හිසරදය සුව වීමයි.

හිසරදය මේ පහළ හේතූන් නිසා දරුණු වෙන්න පුලුවන්. 

(මේවා Trigger Factors කියලත් හඳුන්වන්න පුළුවන්.)

1. කැෆේන් අඩංගු ආහාර

2. හෝමෝන වෙනස් වීම (කාන්තාවන්ගේ ඔසප් චක්‍රයේ වෙනස් වීම් නිසා)

3. නින්ද යාමේ වෙනස් වීම

4. ආහාර වේල් අතපසු වීම

5. දුම් බීම හෝ දුම ආඝ්‍රහණය වීම

රෝග ලක්ෂණ

1. පෙනීමට බාධා ඇති වීම(මෙය මිග්‍රේන්වල පූර්ව අනතුරු හැඟවීමකි)

2. පොඩි තිත් වැනි දෙයක් ඇස මත ඇති සේ දැනීම

3. බොඳ වී පෙනීම

4. ඇස් වල වේදනාව

5. තාරකා වැනි හෝ සිග්සැග් ආකාරයේ ඉරි පෙනීම

6. කලුවර වීම

7. මෙය අඩු වේදනාවක සිට ඉතා දරුණු වේදනාවක් දක්වා වැඩි විය හැකිය.

8. සාමාන්‍යයෙන් පැය 6-48ක් අතර කාලයක් පැවතිය හැකිය.

මෙම හිසරදය සමඟ පහත ලක්ෂණ ඇති විය හැකිය.

1. සීතල

2. මූත්‍රා කිරීමේ වාර ගණන වැඩි වීම

3. අලස බව

4. ආහාර අරුචිය

5. ඔක්කාරය සමඟ වමනය

6. අකුරු කියවීමට අපහසු වීම

7. දහඩිය දැමීම

8. ආලෝකයට හෝ ශබ්දයට සංවේදී වීම

රෝගය නිසි ලෙස හඳුනා ගැනීමත්  නිවැරදි වෛද්‍ය ප්‍රතිකාර හා ඖෂධ මගින් මෙන්ම ජීවන රටාවේ ඇති කරගත යුතු නිවැරදි පුරුදු මගින් මිග්‍රේන් හෙවත් ඉරුවාරදය සාර්ථකව පාලනය කරගැනීමට හැකියාව පවතී .

වෙදගෙදර අපෙන් ඔබට මේ සඳහා ප්‍රතිකාර ගැනීමේ හැකියාවක් ඇ

වැඩි විස්තර සඳහා 071 956 931 6 අංකය අමතන්න.

www.wedagedara.lk වෙත හෝ https://facebook.com/WedagedaraAyurveda

වෙත පිවිසීමෙන් මෙවැනි ලිපි කියවීමට හැකියි.

ආයුබෝවන්!

#Migraine #Ayurveda #SriLanka #Wedagedara #DrHarshanaNiriella #OruwalaWedagedara #Iruwaradaya